SOAL MID SEMESTER KELAS X TAHUN AJARAN 2013/2014

YAYASAN PENDIDIKAN ISLAM (YPI)

ULANGAN MID SEMESTER GASAL MADRASAH ALIYAH

TAHUN PELAJARAN 2013/2014

Mata Pelajaran : Bahasa Jawa                                    Hari/tanggal    : Ahad, 29 September 2013

Kelas               : X (Sepuluh)                                      Waktu             :                       WIB

   I.      Wangsulana pitakonan ing ngisor kanthi jangkep!

1.      Sebutna kanthi runtut apa wae kang dadi perangane wara-wara?

2.      Gaweya wara-wara babagan lomba “maca pidhato basa Jawa” kanggo mengeti dina Pendidikan Nasional kang ditujokake kanggo kanca-kancamu!

3.      Wacana ing ngisor iki owahana dadi basa krama alus!

Nggolek ilmu iku bisa saka ngendi wae. Bisa saka pamulangan ning sekolah, bisa saka maca koran, maca buku kang migunani, bisa saka wong kang winasis ing sadengah kawruh. Ning sekolah kita diwulang macem-macem kawruh kayata: kawruh maca, nulis, kawruh babagan kebudayaan dan kesenian, kawruh utama kang ana hubungane karo ketuhanan, kemanusiaan, dan budi pekerti. Kawruh-kawruh ketrampilan kang migunani bisa kanggo sangu nyambut gawe.

4.      Ukara-ukara ing ngisor iki owahana dadi basa krama aluslan ngoko alus!

a)        Simbah duwe duwit limangewu

b)        Bu guru nganggo jarik parang kusuma sing rupane ireng.

c)        Sampeyan mau apa wis dhahar?

d)       Rikmane simbah wis pethak kabeh mulane arep disemir

e)        Adhik lunga pasar numpak sepedha.

Sugeng makarya

Read More

TULADHA PIDHATO ADICARA PERPISAHAN KELAS IX BASA JAWA

Perangan bakune tanggap sabda

 

1.      Salam Pambuka

Ngaturake salam jumbuh karo agamane dhewe-dhewe

 

2.      Pambuka (Purwakaning atur)

Isine atur panuwun marang kang padha rawuh lan muji syukur marang Gusti Allah SWT

 

3.      Surasa (Wigatining atur/isi)

Isine ngemot bab kang ana gegayutane karo adicara kang dianakake

 

4.      Dudutan (kesimpulan)

Isine sari pathi saka babkang wis diandharake

 

5.      Pangarep-arep

Tegese panyuwunan marang kang diajak rembugan lan marang Gusti Ingkang Maha Agung

 

6.      Panutup (Purnaning atur)

Nyakup atur panuwun lan panyuwunan pangapura

 

7.      Salam penutup

Isine atur salam utawa donga kanggo sakabehe 

 

MATERI NGRUNGOKAKE KHOTBAH / PIDHATO

 

 

TULADHA TANGGAP SABDA PERPISAHAN KELAS IX

 

Assalamualaikum Wr. Wb.

            Bapak, Ibu para rawuh lan para rayi ingkang kula kurmati. Kaparenga ing wekdal punika kula wakilipun kelas sanga ngaturaken gunging panuwun saha sugeng rawuh wonten ing adicara perpisahan menika.

 

            Bapak saha ibu guru ingkang pantes tinulad sinudarsana, mboten kanyana sampun tigang tahun panjenengan dhidhik kula lan kanca-kanca kanthi kesabaran lan maringi ilmu ingkang katah kang migunani dhateng pasrawungan sedaya kalawau dipunparingaken tanpa pamrih. Dene kula lan kanca-kanca mboten saged mbales jasa-jasanipun panjenengan sedaya. Naming saged angaturaken mugi-mugi Gusti Kang Mahawikan paring piwelas tumrap kawigatosan lan ilmu ingkang sampun panjenengan paringaken dhumateng kula sami.

 

            Ing ngriki, kula makili kanca-kanca nyuwun pamit saha idi pangestu mugi-mugi kula lan kanca-kanca pinaringan panggenan pawiyatan ingkang becik, kados ingkang kula lan kanca-kanca kersakaken.

 

            Para rayi ingkang kula tresnani, supados tambah semangat sinau lan semangat anggenipun nggayuh prestasi, tuwin supados pawiyatan ingkang kita tresnani niki, SMA Kalingga saya apik lan tetep paling apik ing kutha Solo, para rayi lan kanca-kanca kelas sanga, kula pesen kangge sedaya kemawon, aja ngantos “pedhot-kekancan” supados kita tetep rerembagan kayata sakderengipun kita pisah.

           

Ing pungkasan atur, kula lan kanca-kanca nyuwun idi pangestu lan gunging samudra pangaksami dhumateng Bapak, Ibu guru, Para rawuh, lan para rayi menawi kula sakanca gadah kalepatan wiwit tigang tahun niki.

 

            Atur temanten, mangan srikaya mangan kupat uga pecel punten cekap semanten atur kula bilih salah nyuwun pangapunten.

Wassalamualaikum Wr. Wb.

                                                            (kapethik saka: www.jurnalabdul.co.cc)

 

Tindhakna tanggap wacana ing dhuwur kanthi nggatekake kedal, ucapan, lagu, uga carane ngadheg!

 

 

 

Read More

TULADHA WARA-WARA

WARA-WARA

Kanca-kancaku kang dak-tresnani,

Kanggo mahargya pengetan Dinten Kartini, OSIS ngawontenaken lomba Kangmas Mbakyu sarta maos geguritan. Lomba badhe kaadhani benjing,

Dinten                 : Selasa

Tanggal               : 21 April 2011

Papan                  : Aula

Tabuh                 : 08.30 WIB – paripurna

Sedaya kelas kedah ngirimaken wakilipun ing lomba kasebat.

Jepara, 10 April 2011

Ketua OSIS

Agus Siswanto

Read More

CERITA PENGALAMAN PRIBADHI

Bilu tau pinter durung nglakoni, tegese wong pinter iku isih kalah karo wong pengalaman. Tetembungan iku bener. Jalaran neglmune wong pinter iku kadhang kala durung diuji ana iing praktik urip ing saben dinane. Nanging manawa pengalaman iku wis diuji., katindhakake ana ing panguripan. Ngrungokake pengalamane wong liya iku penting sebab kanthi cara ngrungokake crita awake dhewe bisa oleh pengalaman kang anyar. Utawa oleh panglipur kang murah. Kadhang kala bisa nukulake empati marang wong kang krungo lan maca. Umpanane rasa welas, trunyuh, lsp. Pengalaman mau bisa saka bener sing dialami dhewe lan uga bisa dialami saka critane wong liya.

Wong sing pinter crita iku antarane nggunakake :

1.      Basa sing digunakake pas utawa prasaja ora nganggo tetembungan kang angel dimangerteni wong sing ngrungokake utawa sing maca.

2.      Kudu paham marang bab urut-urutane crita kang mapan ing kono

3.      Bisa migunakake barang kanggo nggampangake olehe carita.

4.      Nyarira utawa trep marang wewatake para paragane.

5.      Aja grusa-grusu ngrampungake carita, lsp.

Crita yaiku Tuturan kang mratelakake maneka warni kedadosan yaiku arupi kedadosan kang kasunyatan utawi mung rekaan.

PENGALAMAN yaiku sawijining prastawa kang wis dialami.

PENGALAMAN LUCU yaiku kedadeyan kang nyata wis dialami paraga lan saged andadosake wong kang maca utawa ngrungokna dadi ngguyu (gumujeng)

Tata cara nyritakake pengalaman :

1. Nulis pengalaman sing wis dilakoni yaiku diwiwiti kanti prolog/purwaka/pangiring
2. Diwaca maneh supaya yen owah-owahan bisa ditambah utawa dikurangi
3. Katulis kanthi runtut lan panulisane sing bener lan trep diksine
4. Nyritakake  kanthi runtut miturut apa sing tinulis kanti ekspresi kang trep.

 DHAGELAN
Uga crita lucu nanging critane dirancang dhisik (nganggo  skenario),   lakone (tokohe) nyinau rancangan crita, terus njarag gawe lucu, kalamangsane nganggo selingan musik / gamelan.

 Tuladha Cerita Lucu

RINGTON ANYAR

Kadadeyane wis sesasi kepungkur. Wektu iku kancaku, Eni kang menawa ing kos-kosan kerep ngentut nganti dijuluki ”Ratu Ngentut”. Dheweke lagi mimpin rapat wulanan organisasi kampus. Lagi wae rapat diwiwiti lan anggotane padha konsentrasi ngrungokake, ndelalah keprungu swara preeeet ...epreeet ... preeeet .....

            Spontan Ali nyaut, ”Rington HP ne sapa ya.... kok keren?” sakalan kanca-kanca liyane padha ngguyu.

            Karo ngguya-ngguyu Eni nyaut, ”Aku, sapurane ya, cah! Aku ora tahan maneh.”

Rapat sing maune adem-ayem dadi rame. Kabeh padha ngguyu kemekelen amarga swara mau.

”Mbok download neng endi kok swarane beda karo umume…?” pitakone kanca-kanca. Sakala praupane Eni abang ireng amarga isin.

            Yen kelingan kadadeyan kuwi aku ngguyu dhewe, mosok ana ringtone HP kok swarane .... preeeet .... epreeeet .... preeeeet .....!

Halimatus Sadiyah Jl. Lidah Wetan Gg. 3/8 D Surabaya

Read More