UNDHA USUK BASA JAWA

UNDHA USUK BASA

(TINGKATAN BASA ING BASA JAWA)

 

 

 Titikane:

a.    Ngoko Lugu

a.    Tetembungane ngoko kabeh

b.   Nggunakake ater-ater tripurusa (dak-, ko-, di-) ngoko

c.    Nggunakake panambang (-ku, -mu, -e, -ake)

d.   Tembung sesulih utama purusa (orang pertama)  : aku

Tembung madya purusa (orang kedua)                : kowe

 

·      Sesuk sore aku arep lunga mancing.

·      Wingi sore dak kowe mrene?

·      Pak dhe arep tuku montor anyar.

·      Buku sing ning meja apa kojupuk?

 

b.   Ngoko Alus

a.       Tetembungane ngoko kecampur tembung krama inggil ing jejer, wasesa lan tembung kriya

b.      Nggunakake ater-ater tripurusa (dak-, ko-, di-) ngoko

c.       Nggunakake panambang (-i, -e, -ake)

d.      Tembung sesulih utama purusa            : aku

Tembung madya purusa                      : panjenengan

 

·         Panjenengan mau apa sida sare?

·         Ardi didukani pak Guru amarga ora nggarap PR.

·         Mau esuk Eyang tindak pasar.

·         Ardhi diutus pak guru tuku bolpen ireng.

 

c.    Krama Lugu

a.       Tetembungane krama lugu kabeh

b.      Ater-ater lan panambange dikramakake (dipun-, -ipun, -aken)

c.       Tembung sesulih utama purusa (orang pertama)          : kula

Tembung madya purusa(orang kedua)             : sampeyan

 

·         Sampeyan kalawau sampun nedha?

·         Sampeyan mangke bidal/kesahjam pinten?

·         Adhi dipunpendhet bapak saking dalemipun Simbah.

 

d.   Krama Alus

a.       Tetembungane nggunakake krama kecampuran krama inggil

b.      Tembung krama inggil tumrap sing diajak guneman

c.       Ater-ater lan panambange dikramakake (dipun-, -ipun, -aken)

d.      Tembung sesulih utama purusa            : kula, kawula, abdi dalem

Tembung madya purusa                      : panjenengan, panjenengan dalem

 

·         Panjenengan kalawau sampun dhahar?

·         Simbah tindak peken mbekta songsong (payung).

·         Panjenengan dipunaturi jumeneng sawetawis.

·         Babagan punika kula dereng mangertos, Bu.

 

    Tuladha tembung

Ngoko	Krama Lugu	Krama Alus	B. Indonesia
ati	manah	penggalih	Hati
turu	tilem	sare	tidur
kowe	sampeyan	panjenengan	kamu
aku	kula	Kula, kawula	saya
tuku	tumbas	mundhut	membeli
njipuk	mendhet	mundhut	Mengambil
Mangkat, lunga	Bidhal, kesah	tindak	pergi
teka	dugi	rawuh	datang
ameh	arep	badhe	Akan
terus	banjur	lajeng	Terus
mata	mripat	Paningal, soca	Mata
mangan	nedha, madang	dhahar	makan
payung	payung	songsong	Payung
udan	jawah	jawah	Hujan
wedi	ajrih	ajrih	Takut
yen	menawi	menawi	Jika
takon	taken	Nyuwun pirsa	Bertanya
mati	pejah	seda	Mati
metu	medal	miyos	Keluar
mulih	Mantuk, wangsul	kundur	Pulang
melu	tumut	ndherek	Ikut
omah	griya	dalem	Rumah

  Tuladha:

1)     (NL) Kowe mau wis mangan?

2)     (NA) Panjenengan mau wis dhahar?

3)     (KL) Sampeyankalawau sampun nedha/madang?

4)     (KA) Panjenengan kalawau sampun dhahar?

 

a.       Simbah lungapasar nggawa payung

b.       Simbah tindakpasar ngasta payung

c.       Simbah menyangpasar nggawa payung/songsong.

d.       Simbah tindakpeken ngasta songsong.

 

        1.       Pak Dhe tuku montor anyar.

        2.       Pak Dhe mundhutmontor anyar.

        3.       Pak Dhe tumbas montor enggal.

        4.       Pak Dhe mundhut montor enggal.

JANGKEPANA UKARA KANG ISIH RUMPANG ING NGISOR IKI KANTHI TETEMBUNGAN KANG TREP

 

Pagineman.

Tuladha:

+ Panjenengan kalawau wungu jam pinten?

-  Kula kalawau tangi jam sekawan.

1.      P = Mangga kula aturi mriksani rumiyin foto-foto punika.

R = matur nuwun kula sampun …………………. Kaping kalih.

2.      P = Punapa panjenengan remen dhahar pedes-pedes?

R = Kula boten patos remen ………………….. Pedes-pedes.

3.      P = Saestu mundhut uwos?

R = Inggih kula badhe ………….. uwos, amargi wonten griya sampun telas.

4.      P = Panjenengan …………………… taun pinten?

R = kula lair taun 1976.

5.      P = punapa eyang gerah ta budhe?

R = Leres, eyang …………………. sampun sawatawis wekdal.

6.      P = Punapa panjenengan ngasta kalawarti ingkang enggal?

R = Boten, kula boten …………………..

7.      P = Kenging punapa paningal panjenengan kok abrit?

R = o, punika kalawau …………….. kula kelilipen.

8.      P = Eyang sampun …………………. pawarta punika?

R = Menawi kula nembe miring kalawau enjjing.

9.      P = Sanes wekdal kula aturi ……………mrika.

R = Inggih sanes wekdal kula dolan mrika.

10.  P = Sinten asma panjenengan ingkang jangkep?

R = ……………………….kula ingkang jangkep Prastya Utama.

11.  P = Panjenengan punapa bibar gerah?

R = Inggih kula pancen bibar …………….. tigang dinten.

12.  P = Mangga kula aturi dhahar rumiyin.

R = Matur nuwun sanget mangke kula ………………….

13.  P = …………………..panjenengan ingkang mbajeng kuliah wonten pundi?

R = Anak kula kuliah wonten UGM.

14.  P = Punapa benjing panjenengan saestu tindak Madiun?

R = Menawi wonten sarengan kula badhe ……………..mrika.

15.  P = mangke menawi sare ngagem singep kemawon, menawi dalu asrep sanget.

R = nyuwun pangapunten kula mboten kulina ………………………

16.  P = Bapak punapa sampun siram kala wau enjing?

R = Kula ugi badhe ……….amargi badhe kesah sekolah.

17.  P = Para bapak kula aturi pinarak ingkang sekeca

R = Mangke kula ………..wonten wingking panjenengan.

18.  P = Panjenengan punika ingkang asma sinten?

R = Menawwi ………. Kula ingkang jangkep Galang Ramadan.

19.  P = Bapak sampun kondur saking Semarang.

R = Kula sampun …………….saking sekolah.

20.  P = Punapa panjenengan boten ningali ringgit? 

      R = Kula badhe ………kaliyan kanca-kanca.

Read More

GAMBAR ADICARA PANGGIH

1. JUMENENG ADEP-ADEPAN

2. BALANGAN SURUH/SIRIH

3. MIDAK TIGAN

4. MIJIKI SAMPARAN/MBASUH SAMPARAN

5. SINDURAN

6. BOBOT TIMBANG

7. TANEM JERO

8. KACAR KUCUR

9. DHAHAR WALIMAH

10. NGUNJUK TOYA WENING

11. MAPAK BESAN

12. SUNGKEMAN

IJAB QOBUL

SIRAMAN

SIRAMAN

TARUB

Read More

PARAGRAF MANUT JINIS

PARAGRAF MANUT JINISE DIBAGI DADI 5 (LIMA)

1. PARAGRAF DESKRIPSI
2. PARAGRAF NARASI
3. PARAGRAF ARGUMENTASI
4. PARAGRAF EKSPOSISI
5. PARAGRAF PERSUASI

Read More

TULADHA PARAGRAF ARGUMENTASI

BASA JAWA LAN BUDI PAKARTI

Basa Jawa menika gadhah relevansi kaliyan pendidikan budi pakarti. Kangge tuladhanipun, lare ingkang nyinau basa Jawi mBoten kraos ugi pikantuk pelajaran budi pakarti. Paling mBoten, lare menika saged mangertosi babagan unggah-ungguh ingkang dados salah satunggaling unsur penting wonten pendidikan budi pakarti. Lare-lare kala wau badhe luwih ngajeni tumrap tiyang sanes, kaliyan tiyang ingkang dipunjak micanten, ugi luwih ngajeni tiyang ingkang luwih sepuh saking piyambakipun. Wonten ing kabudayan Jawi menika, kususipun ing basa Jawi, wonten kathah sanget bebasan ingkang gadhah unsur pendidikan budi pakarti, etika, moral, ingkang sejatosipun sampun diakui kaliyan bangsa Indonesia. Babagan menika amargi bebasan-bebasan ing basa Jawa menika ngandhut kapribaden manungsa ing Indonesia. Tegesipun, sedaya ingkang sae, ingkang endah ing pangraosan dipunungkapaken mawi tetembungan basa Jawi. Isi lan unenipun tetembungan menika saged dipunpahami kaliyan bangsa Indonesia. Kangge tuladhanipun inggih menika bebasan:

1. “gemi, nastiti, ngati-ati”

Gemi menika ateges mboten boros, manungsa menika mBoten pareng boros wonten gesangipun, amargi boros menika kalebet tumindak ingkang mBoten sae. Nastiti menika ateges mBoten nyedhak kaliyan babagan ingkang angel, dados manungsa menika mBoten usah kangelan anggenipun ngadhepi gesang menika, nanging kedah usaha kemawon. Ngati-ati menika ateges ngedohaken awakipun saking tumindak ingkang ala (mBoten sae/kelentu), manungsa menika kedah miturut kaliyan mergi ingkang sae, manut kaliyan moral lan aturan ingkang wonten ing masarakat.

2. “tegen, mugen, rigen”

Tegen menika ateges mBoten nDamel tiyang sanes kuciwa_mliginipunipun ingkang dados semahipun, utawa dados tiyang menika kedah kurmat kaliyan garwanipun. Mugen ateges menawi tiyanng menika kedahipun saged dipercaya kaliyan tiyang sanes, utawi manungsa menika kedah saged nDadosaken tiyang sanes percaya kaliyan piyambakipun. Rigen menika ateges menapa ingkang dipuntindakaken menika saged nDadosaken manpangat kangge tiyang sanes.

3. “titi, rukti, rumanti”

Titi menika ateges tiyang menika mboten pareng sembrana anggenipun tumindak. Rukti ateges manungsa menika kedah dadhah penampilan ingkang sae, pantes lan mBoten ngisin-isini. Dene rumanti menika ateges saged nyekapi, utawi menawi dados garwa ingkang sae menika kedah saged nyekapi kabetahanipun ngangge penghasilan ingkang punpikantuk.

Read More